قصيدة اربعه x سته

هذه قصيده قالها واحد عندما اختطبت حبيبته
ثلاث سنين انا اخطط لهذا اليوم يابو سعود****تيسر حالي وجاهز اوفي وعدي بوقته
وفجأه جتني تتعذر تقول اتاخرت الوعود**** وانا مستغرب واسمع كأني وعدها خنته
حسبت انها تمازحني وتتصنع جفاء وصدود**** ضحكت بوجهها من قلب مع انها بايخه النكته
وقالت ارضى بالواقع قلبي ماهو المعهود **** تغير كل شي صوبك نصيبي ما اضن انته
كنت بيوم محبوبي ولكن ما اضن نعود****وصل من قبل ماتوصل وانا ذاك الصبر عثته
ولكن تكفى صدقني ويشهد ربي المعبود **** ترا ماخنتك بقفله ولاكلمته وشفته
صراحه اهلي قالوا لي بانه ولد اصل وجود **** وجتني امه بالصوره وبكلمات المدح اخته
سكتت وقلت هي فرصه مدام الجود في الموجود**** وقالوا كل من حولي علامات الرضى سكته
وانا فكرت دام امه واخته ماعليهم زود **** اكيد اني براضيهم اذا وافقت واخترته
واراضي اهلي واخواني مدام ان الفرح مقصود **** عطيت الناس انا كلمه ومعاهم وقتي حددته
ولا اقدر اغيرها ترا عند العرب منقود ****اوافق واعتذر باكر واقول الراي غيرته
تبي تشرح لي المنقود تصدق عاد يابو سعود**** تبيني اقتنع وارضى بحال عمري ماعشته
انا ماني بقايلها عسى يفرش ثراها ورود **** بعد ماحطمت قلبي وطعم الموت جربته
عسى بفستانها اشواك وفي ثوبه عقارب سود **** وناراً تحرق الكوشه وتحرق بيتهم حته
وموت بليله الدخله يبرد حرتي ياكود ****ولا حس انها بحضنه يلامس خد لامسته
علي اهون اذا ماتو ولا بنفس السرير رقود **** ترا صعب علي اتخيل الي ماتخيلته
عسى قاع الثرى يقسى ويتحول صخر جلمود **** وحفار القبر يرفض يسوي فوق مقدرته
ترا دفنة عديم الذات تلوع حتى كبد الدود **** ومن خان العهود ومات تعافه حتى مقبرته
عسى ربي يجازيهم بحبل من مسد ممدود **** يعلقهم من اطرافه وفوقه نار وتحته
انا ماني حقود وشين ولاني من نسل نمرود **** ومن حط نفسه بوضعي يقول الي انا قلته
مدام الفعل له ردت فعل والله ابشري بردود **** بدعي دامني حي وبغرس للدعاء نبته
وبسقيها نزيف القلب ودم مارحم الاخدود **** وتكبر والثمر ثأري من الي خانني وصنته
انا نذراً علي اكتب وافجر هالقصيد ارعود **** واسمع كل البشر صوتي عجبته والا زعلته
واردد للي يسمعني اذا حبيت حط حدود **** انا حبيت دون حدود وشوف الي تكبدته
ثلاث سنين انا ابني وجت صوره بكل برود **** خذت مني شقى عمري وحلم قلت حققته
ثلاث سنين انا اخطط لهذا اليوم يابو سعود **** وتوافق من كلام اخته وصوره اربعه في سته