يستاهل اللي صاب عينه بأيده

لاتحسبين انك كذا مستفيده=بالعكس خسرانه ونا بعد خسران
اللي حصل بيني وبينك مكيده=صرنا ضحيتها وكان الذي كان
ماراح راح وصعب جدآ نعيده=ولا بنقدر نرجعه مثل ما كان
غصبً علينا صار لي مانريده=لي ماعملنا له في البال حسبان
اليوم بس اصبح حقيقه اكيده=مره ولاتحتاج لا اي برهان
كانت عواقبها الوخيمه شديده=فيها تجرعنا مراره وبهتان
ضعنا وضاعت شبه فرصه وحيده=ماظن تتعوض على مر لزمان
ضيعنا لحظات الغرام السعيده=من يدنا واليوم عشنا بحرمان
يستاهل اللي صاب عينه بأيده=يعيش طول العمر خايب وندمان
لنه اذا يبكي ندم وش يفيده =مافات مات ولا عزا له من الان