در العيون الســــود زينات الهـــــــدب @@@ واعيــــون عليــــا زينهن بهدابهـــــا
ولله در الرمــــش لي كحله عجــــب @@@ يذبــــــح عبــــاد الله بنظره جابهـــــا
يرسل سهومً شبه موجــــات اللهب @@@ دمـــر عروشً وانتهـــــت بربابهـــــا
الجدي وايا اسهيــل نجمي العــــرب @@@ وانت وحدك كوكــــبً بعرابهــــــــــا
ما ظن والزهـــره تضاهيها الشهـــب @@@ ولا تـــــراب الارض مــــس اترابهــا
ويا حلاة الرمش في بنــت العــــــرب @@@ لما إن تنقــــب واسدلـت جلبابهـا
فيها صفات البدو من حيث النســـب @@@ ومن الحضـــر كن الحضــر بطيابهـا
شموخهــــا فيــه الكرامــــــه والادب @@@ وعفة الاخــــلاق تتحلــــى بهــــا
فما كنها الا مهرةٍ حــــازت لقــــــــب @@@ وطالت العليـــــــا بكـــل اطنابهــا
مهــــره أصيله واسمها يبقى زلــب @@@ عند العــــرب والكل يتغنـــى بهـا
حازت لقب وابــــداع وتعدي نهـــــب @@@ وبناصيتهـــــا الخيـــر يتزاهــا بهـــا
وبلبسها يا زين ما تلبــــس ذهــــــب @@@ من زينهــــا كُن الذهــــب بثيابهـا
فإذا مشت تسمع بمشيتهــا طــــرب@@@ حــــلات مشيتها بضـــرب اكعابهـا
واذا اقبلت كن النسيـــم لها ولـــــــب @@@ واذا ادبــــرت ترحــل بكــل اركابهــا
عَبـــره وعِِبـــره في حكيهــا يا عـــرب @@@ لو تعتـــزي في اصلهـــا وانسابهــا
بنت الأصل والطيب يكتــب من كتـــب @@@ فيها ومنهـــــا الطيــــب يتغلابهـــا
فإذا اتاها الضيـــــــق تتفجـــر غضـــب @@@ شبيه لبـــوه كشــــرت بانيابهــــا
حتى شديــــد الباس منهـــا يرتهــــب @@@ لو شافهـا رهبـــه تجي بسبابهــا
ولها جمال البـــــدر يُنظـر عــن كثـــب @@@ ونور ساطـــــع نـــوورة محرابهـــــا
عدد المساهمات
العمر
