ـ
دي هدية مني لكل حد سابه حبيبه واتكبر عليه
وحسسه انه مش قد المقام لان ربنا فتحها عليه
جاي تسأل عن أخباري وش تهمك فيه أخباري ؟
ماعدت يابن الناس مثل ما كنت بطل رواياتي وأشعاري
هذاك أول يوم ما كنت دوا قلبي وكان حبك مصدر إلهامي
أنكرت حبي لك وماهو جديد قبلك كثير أنكروا ودادي
وش أخباري :
أببتدي أفراحي وبسقط من شجر عمري كل أوراق أحزاني
تصدق عاد لا شفتك أول يفز القلب وأنت جايني و مقبلٍ صوبي
لكن والذي سواك تمنيت اليوم إنك ضعت ومادليت عنواني
وش تبي راجع بعد ماسرقت من لوحة حياتي كل ألواني
ولونتها بقسوة سودت عمري وإحساسي ووجداني
تذكر يوم كنت انت لي هاجرجيتك أنا للوصل طالب
توقعت انك لي متلهف وناطر
جفيتني وصديت وما قلت لي كلمة تجبر الخاطر
ذبحت القلب يومها وليتك يوم ذبحته ذبحت فيه كل المشاعر
راجع اليوم تطلب الحب من قلب مكسور وإنت له كاسر
حسيبك الله يوم ترقيت وكبرت علىّ أنا من بد خلق الله تكبرت
أرخصت لك نفسي وإنت لي وش سويت
بعتني برخيص من يوم إنك بالمنصب تعليت
كنت بعيوني ذهب صافي لاجات عيني بعيونك بلمعة الحب لي أبرقت
واتر معدنك نحاس طلع به صدى يوم انك من المال والجاه تمكنت
من أخباري :
إنك يوم رحلت عني وهجرت ركبني الهم وسكن بروحي الضيق
لو جمعت حزن هالكون كله مايوازي حزني ولوعة فراقك وحولي
ألف رفيق
في القلب غصتين غصة هجرك لي وغصة من نظرة شفقة عليّ
فعين كل صديق
كأني أسمعهم يسألون وين الي ملك قلبك وقال أنطريني برجع وبكون لاهلك نسيب
أغراك المال والسلطة وصرت أعلى من مستوانا يالحبيب
الله يادنيا غروره بس والله أدري انك معانا مظلومة هما البشر
فيك أمرهم عجيب
العيب ماهو منك كم ناس وصلت واغتنت مازادها ذاك إلا كل طيب
جيتك أحتاجك ومديت لك يدي وأبعدتها عنك ولاحتياجي وحبي تنكرت
واليوم ياقوي العين جاي تركض وتقول محتاجك
ياخسارة ماتذكرتني إلا يوم دارت الدنيا عليك
والدنيا لو بتدوم لك كان دامت للي قبلك
وما كانت ياأعمى البصيرة وصلت لك
وين الي قبلك وكان يشغل منصبك
دارت عليه دنياه وصار مكتبه مكتبك
تذكر يوم ماجيتك قاصد ومتعني
شايل قلب ضناه الشوق للمعشوق على كفي
أضرمت به نارك ورميته ودسته بأقدامك
ليتك قتلت الحب بقلبي وهو لسه برحم القلب توه جنين
ليه ياالظالم تركته ينولد ويكبر وربيته بيديك
كيف بعد كل هذا هان الحب عليك
لكن أبشرك اليوم جف شلال أحزاني
ولا عدت أشتكي من حرقة جراحك
وقفلت أبواب قلبي وتربست شباكة
لو يختنق خله بس مايمر به ظل طيفك
أخاف أحن لك يوم وألقى نفسي مانسيتك
عدد المساهمات
العمر
